Hoggaamiyaha xisbiga Wadajir oo weerar afka ah ku qaaday Madaxweyne Farmaajo iyo taliska nabad sugidda

Hoggaamiyaha Xisbiga Wadajir Cabdiraxmaan Cabdishakuur Warsame ayaa ku eedeeyay madaxweynaha Soomaaliya iyo taliska nabad suggida in ay doonayaan in ay dalka galiyaan khalalaase Siyaasadeed.

Waxaa uu sheegay in ay soo xuleen guddigii u afduubi lahaa doorashooyinka loona baahan yahay in si deg deg ah loola xisaabtamo.

Hoggaamiyaha xisbiga Wadajir ayaa xusay in Muddo kororsi ay ka raadinayaan guddiga ka tirsan nabad sugida iyo taageerayaasha baraha bulshada.

Qoraal uu soo saaray Hoggaamiyaha xisbiga ayaa siddaan u qornaa:

“Madaxweyne Farmaajo iyo taliskiisa nabadsugidda welin kama quusan muddo kororsi, sababtoo ah wey ogyihiin in aysan doorasho xalaal ah ku guulaysan karin. Waxey doorteen waddo qalaalase abuur ah oo uu billawgeedu yahay guddi doorasho oo xubno nabadsugid iyo CBB u badan“.

Waxey ku tala galeen in ay fursad walba xiisad hor leh ku abuuran, si ay Soomaali u kala doorato tooda ama in lagu kala tago. Soomaali waxey marag ka tahay in 30 sano koox kaligeed xoog keeda ah wax ku meel marsata la waayay, cid kasta oo awood is baddana, masiir xun ayaa u danbeeyey“.

Villa Somalia iyo taliska nabadsugidda isbaarooyinka ay doorashada ku horgaynayaa waa kuwo is dabayaala, waase la fahamsanahay. Dalkaan doorasho malxiis iyo marag fur been ah ka socon mayso. Waqtiga iyagaa iska lumiyey, Soomaalina way ka tashan, dalkana halistooda waan ka badbaadsanaynaa Ilaaheey idinkii“.

Xorriya online

Share on facebook
Share on google
Share on twitter
Share on linkedin
Share on pinterest
Share on print
Share on email