Guddoomiye Mursal iyo Muudey oo caawa ku biiray shirka Musharaxiinta Madaxweynaha 20/21

Guddoomiyaha Golaha Shacabka Maxamed Mursal iyo Guddoomiye Kuxigeenka Koowaad Cabdiweli Muudeey ayaa caawa ku biiray shirka Musharaxiinta Madaxweynaha uga socda Hotel Jazeera.

Shirkan oo galay maalintii 3-aad ayay Musharaxiinta kulamo gaar gaar ah la yeelanayeen Mas’uuliyiinta dowladda ku jira iyo qeybaha kala duwan ee bulshada.

Waxaa la filayaa shirka Musharaxiinta Madaxweynaha iyo Guddoonka Golaha Shacabka ay diiradda ku saareen xaalada siyaasadeed ee dalka, arrinta Guddiga doorashada ee muranka ku jira.

Guddoomiye Mursal iyo Muudey ayaa ah mas’uuliyiin si weyn ugu dhow Madaxweyne Farmaajo, iyagoo door weyn ku lahaa ridistii Ra’iisul Wasaarihii hore Xasan Cali Kheyre..

Musharaxiinta Madaxweynaha ayaa sheegay in shirkooda yahay mid nabadeed oo lagu saxayo qaladaadka doorashooyinka ku jira iyo in dalka aanu dhabihii dimoqraadiyadda ka weecan.

Gudoonka Baarlamaanka ayaa hadda gaaray madasha shirka musharaxiinta midoobay, wiixi kusoo kordha shirkan wararkeena alke ayaa kaga bogan doontaan insha allah.

Share on facebook
Share on google
Share on twitter
Share on linkedin
Share on pinterest
Share on print
Share on email