Xassan Cali Kheyre oo Nairobi tagay iyo kulama siyaasadeedna ka bilaabay

Magaalada Nairobi ee caasimadda dalka Kenya waxaa xalay gaaray oo lagu soo dhaweeyay ra’iisul wasaarihii hore ee Soomaaliya xasan Cali Kheyre, kaas oo ololihiisa doorashada ka bilaabay dalal kamid ah Geeska Afrika.

Kheyre oo muddo shan maalin ah ku sugnaa dalka Jabuuti ayaa la kulmay Madaxweynaha Jabuuti Ismaaciil Cumar Geele, isaga oo kala hadlay arrimo ku saabsan xaalada dalka iyo doorashooyinka.

Warraka la helayo ayaa waxaa ay sheegayaan in Xasan Cali kheyre uu durba magaalada Nairobi ka bilaabay kulamo uu la yeelanayo xubno ka tirsan dowladda,waxaana sidoo kale la filayaa in uu la kulmo siyaasiyiin ku sugan Magaalada Nairobi.

Magaalada Nairobi waxaa xiligan ku sugan qaar kamid ah musharaxiin u taagan xilka madaxweynaha Soomaaliya iyo madaxweynaha Jubbaland , waxaana la filayaa in sidoo kale ay halkaasi tagaan siyaasyiin kale.

Share on facebook
Share on google
Share on twitter
Share on linkedin
Share on pinterest
Share on print
Share on email