Kenya oo diiday inay dalkeeda ka dhacaan duqeymaha dhanka ah Alshabaab

We have to open up the country at some point — President Uhuru Kenyatta

Madaxweynaha dalka Kenya Uhurru Kenyatta oo wareysi dheer ah siiyay warbaahinta France24, ayaa waxa uu sheegay in uusan ogolaan doonin in milatariga Mareykanka ay duqeymo cirka ah ka geystaan gudaha Kenya, isagoo beeniyay wararka sheegayay in Aqalka Pentagon-ka uu oggolaasho weydiistay Kenya.

Wargeyska New York Times ayaa bishii la soo dhaafay shaaciyay in milatariga Mareykanka ay oggolaasho u raadsanayaan inay duqeymo cirka ah ka gaystaan qeybo ka tirsan bariga Kenya, iyagoo ku beegsanaya dagaalamayaasha Alshabaab .

“Howlo argagixiso way jiraan balse saldhigyo argagixso kuma lihin gudaha Kenya. Sidaas darteed, ma jirto waxaas,” ayuu ku yiri madaxweyne Kenyatta oo wareysi siinayay Farance24 ee ku yaalla dalka Faransiiska halkaas oo maalmahan uu booqasho rasmi ah ku joogay.

Weerar ay bishii January Alshabaab ku qaadeen saldhig Mareykanku ku leeyahay Kenya ayaa waxaa ku dhintay hal askari oo Mareykan ah iyo labo kale.

Share on facebook
Share on google
Share on twitter
Share on linkedin
Share on pinterest
Share on print
Share on email