Jowhar oo la geynayo ciidamo dheeraad ah si loo adkeeyo ammaanka doorashada muranka badan uu ka jiro

Wasiirka Amniga Hirshabeelle Maxamed Cabdiraxmaan khayre ayaa dalbaday in xoogga la saaro howlaha sugidda ammaanka si nabadgalyo ay ugu qabsoomto doorashooyinka federaalka & heer Dowlad Goboleed oo culeys kusii ah dadka ku sugan Xarunta Hir-Shabeelle oo markii hore la dhibaatoonayay Amniga & fatahaadda Wabiga Shabeelle.

Wasiirka Amniga ayaa kulan looga xaajoonayay sugidda ammaanka deegaannada Hirshabeelle la yeeshay saraakiil ka kala tirsan QM, AMISOM & Militariga Dowladda Federaalka Soomaaloya.

Kulankaan oo ka dhacay Magaalada Jowhar waxaa lagu soo bandhigay culeyska Doorashooyinka waqti ahaan isku beegan ee lagu soo dhisayo maamulka Hirhabeelle oo muddo xileedkiisu dhamaaday & tan lagu soo dooranayo Kuraasta Xildhibaanada iyo Senatarada Aqalka Sare ee Baarlamaanka Federaalka Soomaaliya.

Magaalada Jowhar waxaa gaaray Ergo horudhac u ah xubnaha soo xulaya Baarlamaanka labaad ee DG Hirshabeelle, maalmaha soo socda wufuud kala duwan ayaa magaaladaas ku wajahan si ay u guda galaan howlahaha horyaalla.


Villa Soomaaliya ayaa labadii cishe ee lasoo dhaafay Xarunta Shabeelaha Dhexe oo dhanka kale ah Caasimadda Hirshabeelle geysay Ciidamada sida gaarka u tababaran ee Haramcad loo yaqaan si ay qayb uga noqdaan adkeynta xasiloonida guud ahaan Magaaladaas.

Share on facebook
Share on google
Share on twitter
Share on linkedin
Share on pinterest
Share on print
Share on email