Gobolka Banaadir oo maanta soo gabagabeeye kulan muhiim u ahaa hanaanka waxbarashada gobolka..

Maamulka Gobolka Banaadir ayaa maanta Muqdishu kusoo gabagabeeyay kulan muhiim u ahaa hanaanka waxbarasho ee dalka gaar ahaan bulshada ku dhaqan caasimadda.

Kulankaan oo muddo labo cisho dhan ka socde Muqdisho ayaa looga doodayay hanaanka wax ka bedelka & qaababka ugu haboon ee lagu hormarin karo qorshaha waxbarashada gobolka 5-ta sano ee soo socota.

Gudoomiye kuxigeenka Maaliyadda gobolka Banaadir Mudane Axmed Iimaan ayaa maanta soo xiray kulanka wadatashiga diyaarinta qorshaha 5-ta sano ee horumarinta waxbarashada Gobolka Banaadir.

“Waxaan u mahadcelinaynaa dhammaan marti sharaftii nagala soo qeyb-gashay kulankan tala-wadaagga ah, ma noqon doono kii ugu danbeeyay, aragtida iyo talooyinka dadweynaha Gobolka Banaadir waxay noo tahay garbo aan ku duulno.” Ayuu Axmed Iimaan ka yiri kulankaan.