Fahad Yaasiin oo bilaabay ololaha doorashada madaxweyne Farmaajo

Taliyaha Nabad Sugidda iyo Sirdoonka Qaranka Soomaaliya Mudane Fahad Yaasiin Xaaji ayaa maalmo ka hor dib ugu soo laabtay magaalada Muqdisho kadib todobaad uu ku sugnaa magaalada Ankara ee dalka Turkiga, Sidoo kale, Taliyaha wuxuu horay u soo maray Addis Ababa, halkaasoo kula kulmay Taliyeyaasha Sirdoonada Itoobiya iyo Eritrea.

Ololaha doorashada Soomaaliya waxaa uu todobaadyadii u dambeeyay xooggiisa ka socday dibadda, gaar ahaan dalalka deriska, Imaaraadka, Turkey iyo Qatar.

Sidoo kale Fahad waxaa uu todobaadyadii kasii horreeyay tagay magaalada Dooxa ee dalka Qatar oo uu todobaad soo joogay, inta badan safaradan arrimaha doorashada ayay salka ku hayeen.

Dalalka Qatar iyo Turkiga oo dhinac ah iyo Imaaraadka Carabta ayaa sanadkan ku loolamaya doorashada, waxaana sida xogta lagu helay ay noqoneysaa doorashadii ugu lacagta badneyd abid soo marta Soomaaliya.

Dhanka kale, Magaalada Nairobi waxaa ka socda olole xooggan oo ay wadaan siyaasiyiinta mucaaradka gaar ahaan hoggaanka Xisbiyada dalka, waxaana magaalada dib ugu laabtay madaxweynihii hor ee Soomaaliya Shariif Sheikh Axmed iyo C/raxmaan C/shakuur Warsame oo labada muddooyinkii u dambeeyay ku sugnaa magaalada Dubia.

Marka loo eego dhaq dhaqaaqyada siyaasadeed iyo ololaha safar ee ay galeen Fahad oo gadaal ka taagan Farmaajo, Kheyre, AAW iyo Shariif waxaa moodaa in Ololahooda yahay mid xooggan oo Saldhig dibadeed leh.

Share on facebook
Share on google
Share on twitter
Share on linkedin
Share on pinterest
Share on print
Share on email