Cudurka COVID-19 oo ku soo laba kacleeyey Soomaaliya iyo tirada dadka qabo oo soo badatay

Warbixin ay soo saartay Wasaaradda Caafimaadka iyo Daryeelka Bulshada Xukuumadda Federaalka Soomaaliya ayaa Maanta shaacisay dad horleh uu soo ridanayo cudurka Covid-19 iyadoo inta badan dadkaasina ay ku nool yihiin maamul goboleedka Puntland.

Wasaaradda Caafimaadka ayaa sheegtay in 5tii maalin ee lasoo dhaafay Cudurka COVID-19 laga baaray 3,464 qof, isla markaana 119 ruux kamid ah dadkaas laga helay Cudurka.

Wasaaradda ayaa sheegtay in Somaliland 18 kiis laga diiwaan-geliyay, Puntland 99 qof, iyo Gobolka Banaadir 2 qof, Bukaannada cusub 83 ka mid ah waa rag 34-na waa dumar, maalmihii lasoo dhaafay ma jirin wax bukaan ah oo u u geeriyooday Cudurka.

Tirada guud dadka uu ku dhacay COVID-19 ee Soomaaliya ayaa gaartay 3,864 qof, waxaana ka bogsaday 3,089 qof uu ku dhacay Cudurka, isla markaana waxaa guud ahaan dalka Soomaaliya Cudurka ugu dhintay 99 qof.

Share on facebook
Share on google
Share on twitter
Share on linkedin
Share on pinterest
Share on print
Share on email