Shirkadda isgaarsiinta ee Ethiopia oo shirkado caalami siisay saami

Dowlada Itoobiya ayaa meel marisay go’aan 40% lagu siinayo saamiga shirkada taleefanada Ethio telecom labo shirkadood oo caalami ah kuwaas oo ku guuleystay tartankii loo galay saami iibsiga.

Saamileyda ayaa shalay la kulmay ra’isulwasaaraha Itoobiya Abiy Ahmed si loo dhameystiro qorshaha shirkada lagaga dhigayo mid si gaar ah loo leeyahay.

5% saamiga waxaa laga iibin doonaa muwaadiniinta itoobiya halka 55% ay gacanta doowlada ku sii jiri doonto.

Shirkada Ethio telecom oo la dhisay 2010 waa shirkada itoobiya oo dhan siisa adeega taleefanka iyo internetka waxaana iska leh dowlada.

Shirkadan waxaa ka shaqeeya 22,288 oo qof

Tan iyo markii uu xafiiska yimid Abiy Ahmed waxaa itoobiya ka bilowday isbadal dhanka ganacsiga iyada oo doowladu keentay qorshe shirkadaha gacanteeda ku jira looga dhigayo kuwo dadku saami ku yeeshaan.

Share on facebook
Share on google
Share on twitter
Share on linkedin
Share on pinterest
Share on print
Share on email