Ilhaan Cumar oo dacwad ka gudbiyay askar ku qasabtay dad Muslimiin ah inay cunaan hilib Doofaar

Xildhibaanno ka tirsan Aqalka wakiillada dalka Marayka oo ay ka mid tahay Ilhan Cumar ayaa dacwad ka gudbiyay ciidamada ka hortagga qaxootiga iyo kuwa canshuuraha, kadib markii ay dad Muslimiin ah oo xabsi ku jira ay ku qasbeen in ay cunaan hilib Doofaar iyo raashiin qurmay.

Dacwadda oo ay xildhibaannadu u gudbiyeen waaxda amniga gudaha Maraykanka ayay kaga codsadeen in baaritaan lagu sameeyo dhacdadaan foosha xun ee lagula kacay Muslimiinta maxaabiista ah ee ku jira xabsi ku yaalla magaalada Miami.

War-saxaafadeed ay si wadajir ah ugu saxiixnaayeen xildhibaanada kala ah Ilhan Omar, Rashida Tlaib iyo Andre Carson ayaa lagu sheegay inaysan arrintaani ahayn wax aan la aqbali karin.

Maxaabiis Muslimiin ah oo ku jira xabsiga Krome ee Magaalada Miami ayaa lagu khasbay inay kala doortaan Hilib Doofaar iyo Raashin qurmay, sida ay sheegeen Xildhibaannadan.

Share on facebook
Share on google
Share on twitter
Share on linkedin
Share on pinterest
Share on print
Share on email