Galmudug oo faah faahisay kulan ay la yeesheen Xubnaha Beesha Caalamka

Madaxweynaha Dowladda Galmudug, Axmed Cabdi Kaariye oo ay wehlinayeen Madaxweynayaasha HirShabeelle iyo Koonfur Galbeed ayaa kulan la yeeshay Wakiilada Beesha Caalamka u qaabilsan Soomaaliya sida Qaramada Midoobey, Midowga Yurub, Mareykanka, UK, Sweden, IGAD, iyo Midowga Afrika.

Kulankan ayaa diiradda lagu saaray xaaladda guud ee Soomaaliya, gaar ahaan arrimaha Doorashooyinka 2020/2021,
sidii loo dhammeystiri lahaa heshiiskii hannaanka doorashada ee lagu gaaray shirkii Dhuusamareeb 3 si dalka ay uga dhacdo doorasho la isla ogolyahay oo wakhtigeeda ku qabsoonta.