Baarlamaanka Soomaaliya oo maanta kulmaya iyo Ajendaha kulanka Maanta

Xildhibaanada Golaha Shacabka Baarlamaanka Federaalka Soomaaliya ayaa Maanta oo Arbaco ah waxaa lagu wadaa in kulankii 2-aad ee Kal-fadhiga 7-aad ku yeeshaan Xarunta Villa Hargeysa ee Magaalada Muqdisho.

Xildhibaanada Golaha Shacabka ayaa xalay waxaa lagu wargeliyay inuu jiro kulan loogana baahan yahay inay kasoo qeyb galaan, si loo dardar-geliyo howlaha Golaha, maadaama muddo xiloodkoodka uu dhameeynayo dhamaadka sanadkaan 2020.

Kulanka maanta ayaa ayaa ajandihiisa yahay akhrinta labaad ee Hindise sharciyeedka Nootaayooyinka, waxaana hindse sharciyeedka uu ka mid yahay sharciyada u baahan ansixinta ee horyaala Golaha Shacabka.

Kulan Xildhibaanada Golaha Shacabka ay yeelan lahaayeen Maalintii Isniinta aheyd ee lasoo dhaafay ayaa waxaa uu u baaqay Kooram la’aan, hayeeshee Maanta ayaa la filayaa inay kulan yeeshaan Golaha.

Golaha Shacabka ayaa waxaa horyaala sharciyo muhiim u ah qabashada doorashada, waxaana 27-ka bishan oo ka harsan 10 maalmood loo balansan yahay khudbada ay jeedin doonto Xaliima Yarey oo ah Guddoomiyaha Guddiga madaxa bannaan ee doorashooyinka.

Share on facebook
Share on google
Share on twitter
Share on linkedin
Share on pinterest
Share on print
Share on email