Xildhibaan ka Tirsan Baarlamaanka Soomaaliya oo ku Geeriyooday Muqdisho

Marxuum Xildhibaan Aadan Xasan Cali, Aadan Moobleen.

Waxaa magaalada Muqdisho ku geeriyooday Xildhibaan Aadan Xasan Cali oo loo yaqaanay Aadan Moobleen oo ka tirsanaa Baarlamaanka Federaalka, kaasoo muddooyinkii u dambeeyay ku xanuunayay Muqdisho.

Xildhibaanka ayaa muddooyinkii u dambeeyay lala tacaalayay xaaladiisa caafimaad, isagoo ku jiray maalmo Isbitaalka Yardimeeli ku jiray, waxaana uu galay xaalad Koomo.

Xildhibaan Aadan ayaa la xanuunsanayay cudurka macaanka, sidoo kale waxaa uu ka xanuunsanahayay dhanka kelyaha, waxaana maalmo ka hor Isbitaalka Yardimeli la gaarsiiyay mashiinka lagu dhaqo kelyaha oo xubno ka tirsan Baarlamaanka ka soo qaadeen Isbitaalka Digfeer.

Waxaa uu ahaa Xoghayaha Guddiga Maaliyadda ee Golaha Shacabka, waxaa uu ahaa Xildhibaan laga soo doortay dowlad goboleedka Hirshabeelle.

Share on facebook
Share on google
Share on twitter
Share on linkedin
Share on pinterest
Share on print
Share on email